1946 - Ísland - Bréf

Skemmtilegt flugpóstbréf sent til Belgíu í janúar árið 1946. Bréfið sent í gegnum London þar sem það hefur verið slegið með stimplinum O.A.T. í rauðum lit (Onward Air Transmission) sem sleginn var á efsta bréf í hverju búnti slíkra bréfa til að gefa til kynna að bréfin í búntinu skyldu halda áfram í flugpósti. Burðargjald bréfsins hefur verið greitt með sjaldséðum frímerkingarstimpli Heklu h.f. með auglýsingu fyrirtækisins í rauðu bleki. Bréfið sem er afar vel varðveitt kemur uppsett á sýningarsíðu með prentuðum upplýsingum sem það varða.