English (United Kingdom) Verðlistar (m. a. Facit)
- Raða eftir: :
2024 - Bækur/verðlistar tengt söfnun - Ónotað
FACIT SPECIAL CLASSIC 2024. Nýjasta útgáfa sérhæfðs og ítarlegs verðlista yfir öll útgefin frímerki Norðurlandanna ásamt hinum ýmsu landssvæðum sem hafa tilheyrt Norðurlöndunum á einhverjum tímapunkti til og með árinu 1950. Texti verðlistans er hvoru tveggja á sænsku og ensku og telur 512 blaðsíður, allar myndir eru í lit. Viðmiðunarverð þau sem gefin eru upp í listanum eru í sænskum krónum. Í Íslandshluta listans má finna skráningu með viðmiðunarverði fyrir fjölmarga undirflokka íslenskrar „fílatelíu“ s.s. óstimpluð og stimpluð frímerki, frímerki á bréfum, fyrstadagsumslög, ýmis afbrigði, ýmsar gerðir póststimpla, heilpósta (bréfspjöld, loftbréf o.fl.), stimpilmerki, sparimerki, orlofsmerki, tollstimpluð frímerki, frímerkjahefti o.fl. Einnig eru í listanum spennandi greinar um ýmislegt tengt söfnun íslensks frímerkjaefnis.
- Lot: FaClassic2024
Verð ISK 9.900,00
2024 - Ísland - Bækur/verðlistar tengt söfnun - Ónotað
ÍSLENSKIR SEÐLAR - VERÐLISTI 2024. Ítarleg skrá yfir íslenska peningaseðla eftir Frey Jóhannesson og Björgvin Sigurðsson, útgefin af Alfreð Erlingssyni árið 2024. Allir íslenskir peningaseðlar frá upphafi úitgáfu árið 1778 fram til ársins 2024 eru taldir upp og allar þær undirskriftir sem finna má á viðkomandi seðli skráðar í réttri röð. Verð hvers seðils í hverri undirskrift gefið upp í þremur mismunandi gæðaflokkum. Farið er yfir sögu íslenskra peningaseðla í stuttu máli (bæði á íslensku og ensku), einnig er farið yfir ástandslýsingakerfi það sem flestir safnarar peningaseðla í heiminum notast við við söfnun sína. Listinn telur alls 86 blaðsíður og er texti hans á íslensku (fyrir utan kaflann um sögu íslenskra peningaseðla sem er eins og áður segir hvoru tveggja á íslensku og ensku), listinn er ómissandi verkfæri fyrir alla áhugamenn um íslenska peningaseðla.
- Lot: Sedlalisti2024
Verð ISK 6.990,00
2025 - Bækur/verðlistar tengt söfnun - Ónotað
Facit Norden listinn er bæði á ensku og sænsku og þar eru skráð öll frímerki sem gefin hafa verið út á Íslandi, Svíþjóð, Danmörku, Grænlandi, Færeyjum, Noregi, Finnlandi og Álandseyjum frá árinu 1951 með afbrigðum en í nokkuð einfölduðu formi fyrir árið 1951. Listinn er í hörðu bandi og í honum er hægt að lesa sig til um prentanir, prentaðferð, útgáfudagsetningu, prentupplag o.fl. Gefin eru upp leiðbeinandi smásöluverð í sænskum krónum. Allar myndir af frímerkjum eru í lit.
- Lot: FaNorden2025
Verð ISK 12.900,00
